தங்கள் மாவட்ட TMTCLU ஒப்பந்த ஊழியர் நிகழ்வுகள் - புகைப்படங்கள் மற்றும் கருத்துகள் தெரிவிக்க : nftekmb2@gmail.com

Monday, 15 October 2018

NFTE-TMTCLU
தமிழ் மாநில தொலைத்தொடர்பு ஒப்பந்த தொழிலாளர் சங்கம்
மாவட்ட சங்கங்கள். கடலூர் 


             நமது TMTCLU சங்கத்தின் செயல்பாட்டிற்கு மேலும் வலு சேர்க்கின்ற வகையில் TNTCWU  சங்கத்தின் கடலூர் மாவட்ட செயலர்  அருமை தோழர் M.பாரதிதாசன் மற்றும் தோழர் சரவணன், தோழர் தேவநாதன் ஆகியோர் அச்சங்கத்திலிருந்து விலகி தொழிலாளர்களின் நம்பிக்கை நட்சத்திரமாக விளங்கும்  நமது TMTCLU  சங்கத்தில் தங்களை இணைத்து கொண்டனர் .
          அத்தோழர்களை நமது NFTE-TMTCLU இரண்டு மாவட்ட சங்கங்கள் வாழ்த்தி வரவேற்கிறது.
                                                                                                                                தோழமையுடன்

                                                                                                                                 NFTE-TMTCLU
                                                                                                                                      கடலூர்.

Thursday, 27 September 2018

NFTE - TMTCLU
15-09-2018 அன்று கடலூரில்  நடைபெற்ற TMTCLU  சங்கத்தின் மாவட்ட செயற்குழுவில் எடுக்கப்பட்ட தீர்மான்ங்களை இன்று (28-09-2018) மாவட்ட நிர்வாகத்திடன் கொடுப்பட்டுள்ளது. மாவட்ட நிர்வாகம்  தக்க நடவடிக்கை எடுக்கும் என்று நம்புகிறோம்...
                                                     தோழமையுடன் 
                                                    A .S .குருபிரசாத்
                                                    மாவட்டச் செயலர்.

                                              
                                                  கடித நகல்:



Saturday, 22 September 2018

குடந்தை மாவட்ட TMTCLU செயற்குழு கூட்டம்



சிறப்பான NFTE- TMTCLU  மாவட்ட செயற்குழு மாவட்ட தலைவர்  தோழர் சந்திரசேகர் தலைமையில் நடைபெற்ற கூட்டத்தில் துவக்கயுரை TMTCLU மாவட்ட செயலர்   ராஜேஷ்.அவர்களும் தொடர்ந்து குடந்தை  மயிலை  சீர்காழி  ஆடுதுறை  திருப்பனந்தாள்  குத்தாலம்  காரை நாகை என அனைத்து கிளைசங்க பொருப்பாளர்களும் தங்களது மேலான சங்க வளர்ச்சிக்கும் இன்றைய நிர்வாக செயல்பாடுகள் பற்றியும் விளக்கமாக விவாதிக்கப்பட்டது மாவட்ட அழைப்பின் பேரில் வருகைதந்து சிறப்பாக கடலூர் மாவட்ட செயலபாடுகளை விளக்கி உற்சாக மூட்டிய  தோழர். M.Sகுமார்  மற்றும்  NFTE மாநில அமைப்பு செயலரின் அரவனைப்பான பேச்சோடு குடந்தை மாவட்ட செயல்பாடு மற்றும் போராட்டவழிமுறைளை வகுத்து சிறப்பு செய்த அடிதட்டு தோழர்களின் துயர்துடைக்கும் தோழர்  விஜய் அவர்கள் ஆற்றிய உரையாலும் இறுதியில்  TMTCLU மாநில செயலாளர் தோழர் செல்வம் அவர்களின் நம்பிக்கையூட்டும் விவாதங்களோடும் தோழர் நந்தகுமார் அவர்களின் நன்றி நவிதலோடு சிறப்பாக மாவட்டசெயற்குழு நிறைவு பெற்றது வருகைதந்து சிறப்பித்த மாநில மாவட்ட கிளைச்சங்க நிர்வாகிகளுக்கும் இச்செயற்குழுவை சிறப்பிக்க வருகைதந்து வாழ்த்திய தோழர்கள் குத்தாலம்  நாகராஜ் குப்புசாமி மயிலை தோழர்கள் குமார்  பாலு மற்றும்அனைத்து NFTE TMTCLU தோழர்களுக்கும் மனதார நன்றி  பாராட்டி மகிழ்கிறது.
குடந்தை TMTCLU மாவட்ட சங்கம்.

Saturday, 15 September 2018

NFTE - TMTCLU
  தமிழ் மாநில தொலைத்தொடர்பு ஒப்பந்த தொழிலாளர் சங்கம்
மாவட்டச் சங்கம், கடலூர்

15-09-2018   அன்று மாவட்ட தலைவர் தோழர் M.S.குமார் தலைமையில் மாவட்ட செயற்குழு நமது NFTE மாவட்ட சங்க அலுவலகத்தில்  சிறப்பாக நடைபெற்றதுதோழர் R.பன்னீர்செல்வம் கிளைச் செயலர் வரவேற்புரையாற்றிட  தோழர் A.S.குருபிரசாத் மாவட்ட செயலர் ஆய்படு பொருள் பற்றி விரிவாக எடுத்துரைத்தார்.  பின்னர் மாவட்ட உதவிச் செயலர் தோழர் G.ரங்கராஜ்  துவக்கவுரையாற்றிட  கள்ளக்குறிச்சி தோழர் ராஜா,  உளுந்தூர்பேட்டை பாஸ்கர், விருதை சக்திவேல் கடலூர் சுரேஷ், பண்ருட்டி ராஜா, நெய்வேலி பாலமுருகன், விழுப்புரம் கிளைச் செயலர் தோழர்  நடராஜன், தோழர் மணிமாறன் மற்றும்  பலர் கருத்துரை வழங்கினார்கள். வாழ்த்துரையாக NFTEயின் மாவட்ட உதவிச் செயலர் தோழர்D.குழந்தைநாதன்   தமது   கருத்துக்களை பதிவு செய்தார்.
சிறப்புரையாக  TMTCLU   மாநில பொதுச் செயலர் தோழர் R.செல்வம் நமது சங்க செயல்பாடுகளைப் பற்றி விரிவாக எடுத்து கூறினார். அடுத்து நமது NFTE  மாவட்ட செயலர் தோழர் இரா.ஸ்ரீதர்  நமது நியாயமான கோரிக்கைகளை வலுவாக்கி வெற்றி பெற  நாம் இன்னும் பலத்தோடு செயலாற்றிட வேண்டும்.  விடுப்பட்ட தோழர்களை மீண்டும் பணியில் அமர்த்திடவும் , குறைந்த பட்ச போனஸ் வழங்கிட வலியுறுத்தி முதலில் மாவட்ட நிர்வாகத்திற்கு கடிதம் கொடுப்பது என்றும், பின்னர் தேவையெனில் தர்ணா நடத்த வேண்டும் என்றும் தமது உரையில் பதிவு செய்தார்.

இறுதியாக  மாவட்ட பொருளாளர் தோழர் J.கந்தன் நன்றி கூற கூட்டம் முடிவுற்றது.

தீர்மான்ங்கள்
1.கடலூர் SSA வில் பணிபுரியும் ஒப்பந்த ஊழியர்களுக்கு குறைந்த பட்ச போனஸ் ரூபாய் 7000/- வழங்கிட மாவட்ட நிர்வாகம்  உறுதி செய்திட வேண்டும்.
2.விடுமுறை நாட்களில் பணி புரியும் ஒப்பந்த ஊழியர்களுக்கு அன்றைய சம்பளத்தை  வழங்கிடுக
3. விடுபட்ட  தோழர்களுக்கு காலதாமதமின்றி உடணடியாக பணி வழங்கிடுக
4. ஒப்பந்த ஷரத்தின் படி  ஒப்பந்தகாரரின் அலுவலகத்தினை உடணடியாக அமைத்திட மாவட்ட நிர்வாகம்  நடவடிக்கை எடுத்திடுக.
5. 2009ஆம் ஆண்டிற்கான நிலுவை தொகையினை காலதாமதமின்றி வழங்கிட நடவடிக்கை எடுத்திடுக.
6. ஒப்பந்த ஊழியர்களின்  பிரச்சனைகளை கண்கானிக்க மாநில நிர்வாகத்தின் வழிகாட்டலின்படி  நோடல் ஆபிஸர் நியமித்திடுக.
7. கேபிள் பகுதியில் தேவைக்கேற்ப ஒப்பந்த ஊழியர்களை நியமித்திடுக..
8. ஒப்பந்த ஊழியர்களுக்கு வாடகைக்கு Quarters  வழங்கிடுக நடவடிக்கை எடுத்திடுக.
9. கேபிள் பகுதியில் பணிபுரியும் ஒப்பந்த ஊழியர்களுக்கு TRAVELLING ALLOWANCE வழங்கிட  நடவடிக்கை எடுத்திட வேண்டும்.
10. மாநிலச் சங்கத்தின் அறைகூவலின்படி 17-09-2018 அன்று மாலை ஆர்ப்பாட்டம்நடத்துவது என முடிவு  செய்யப்படுகிறது.
11. மாவட்ட ஆட்சித்தலைவர் நிர்ணயித்த ஊதியத்தை  நடைமுறைபடுத்திடுக..

மேற்கண்ட கோரிக்கைகள்  தீர்மானங்களாக ஒருமனதாக நிறைவேற்றப்பட்டன...மற்றும் மாவட்ட சங்கத்தின் தொடர் முயற்சியினால் தோழர் பாலமுருகன்/ நெய்வேலி அவர்களுக்கு ESIC  முலம் மருத்துவ செலவு தொகை ரூபாய் 62000/- ஐ பெற்று கொடுக்க உறுதியாக செயல்பட்ட மாவட்ட சங்கத்திற்கு  நன்றிகள் பல...

தோழமையுடன்:- A.S.குருபிரசாத், மாவட்டச்  செயலர் , TMTCLU

Thursday, 2 August 2018

தமிழ் மாநில தொலைத்தொடர்பு ஒப்பந்த தொழிலாளர் சங்கம் 
மாநிலச் சங்கம்

தோழர்களே!....
அன்புள்ள தோழர்களே வணக்கம் இன்று (31/07/2018) NFTE மாநில செயலர் தோழர் K.நடராஜன், TMTCLU மாநில செயலர் R.செல்வம்  BSNLEU மற்றும் Tntcwuமாநில தலைவர்  முருகையா சீனுவாசன் ஆகியோர் (DCLC) துணை தலைமை தொழிலாளர் நலஆணையர் அவர்களை சந்தித்து வரும் ஆண்டிற்க்கான போனஸ் பற்றியும் கேரள மாநிலத்தில் ஒப்பந்த ஊழியர்களுக்கு வழங்குவதுபோல் 13 நாட்கள் விடுமுறை தமிழ் நாட்டில் பணிபுரியும் ஒப்பந்த ஊழியர்களுக்கும் வழங்க வேண்டும் என்று கோரிக்கை மனு கொடுத்து  பேசினோம்
 அவர்கள் மாநிலம் முழுவதும் ஆய்வு செய்து போனஸ் வழங்க ஏற்ப்பாடு செய்வதாகவும் லீவு சம்மந்தமாக பிறகு பேசலாம் என்று கூறினார் மாவட்ட செயலர்கள் மாநிலசங்க நிர்வாகிகள் தலமட்டங்களில் மாவட்ட நிர்வாகத்திற்கு கடிதம் கொடுத்து பேச்சுவார்த்தை துவங்குமாறு மாநிலச்சங்கத்தின் சார்பாக கேட்டுக்கொள்கிறேன்
                                               
தோழமையுடன்
     R. செல்வம்.
பொதுச் செயலர்

                                                                       TMTCLU

தமிழ் மாநில தொலைத்தொடர்பு ஒப்பந்த தொழிலாளர் சங்கம் 

மாநிலச் சங்கம்.

தோழர்களே!...
        மரியாதைக்குறிய NFTE மாவட்டச் செயலர்களுக்கு ஓர் வேண்டுகோள் தமிழ்நாடு முழுவதும் A/C Plant ல் பணிபுரியும் ஒப்பந்த ஊழியர்களுக்கு வழங்கப்படும் மாத ஊதியம் ரூபாய் 4000 முதல் ரூபாய் 7000 வரை தான். ஆனால் மாநில நிர்வாகம் AMC ஒப்பந்த முறையில் ஒப்பந்தகாரருக்கு ஒரு நபருக்கு ரூபாய்12000வீதம் மூன்று நபர்களுக்கு ஊதியம் வழங்கப்படுகிறது.ஆனால் ஒப்பந்தகாரர் ஒப்பந்த ஊழியர்களுக்கு அவ்வாறு கொடுப்பதில்லை.. ஊதியமும் குறைவான  அளவில் கொடுட்ப்பதும் மேலும் EPF ,ESI  போனஸ் போன்ற எந்த சலுகையும் நடைமுறைப்படுத்துவது கிடையாது.
               ஆகவே நமது TMTCLU சங்கத்தின் சார்பாக துணை தலைமை தொழிலாளர் நல ஆணையருக்கு கடிதம் கொடுத்துள்ளோம்.மேலும் நமது  மாநில நிர்வாகம் AMC முறையை மாற்ற முடிவு செய்துள்ளதாக அறிகிறோம் ஆகவே மாவட்டச்செயலர்கள் மாவட்ட நிர்வாகத்திற்கு கடிதம் கொடுத்து பேச்சு வார்த்தை நடத்தி AC Plant ல் பணிபுரியும் ஒப்பந்த ஊழியர்களை நமது SSA  டென்டரில்  கொண்டு வருவதற்கான வழிமுறைகளை ஆராய்ந்து உரிய நடவடிக்கை எடுக்க  வேண்டுகிறேன்.
       அப்படி செய்வதால் நிர்வாகத்திற்கு பணமும் மிச்சமாகும் நமது தோழர்களும் பயனடைவார்கள்...ஆகவே இதில் உரிய கவனம் செலுத்திட உங்களை தோழமையோடு கேட்டுக் கொள்கின்றேன்... நன்றி....
                                                                                           தோழமையுடன்
                                                                                                R.செல்வம்

                                                                                    பொதுச் செயலர்,TMTCLU..